स्पेनका आन्द्रेय इनिएस्टा उत्कृष्ट खेलाडी, टोसेरलाई गोल्डेन बुट

 युरो कप च्याम्पियन स्पेनका मिडफिल्डर आन्द्रेय इनिएस्टा युरो कपको उत्कृष्ट खेलाडी घोषित भएका छन्। इटालीमाथि ४-० को एकतर्फी नतिजा निकाल्दै स्पेन च्याम्पियन बनेको थियो। स्पेनलाई लगातार दोस्रो पटक युरो कप च्याम्पियन बनाउँदा महत्वपूर्ण भुमिका निर्वाह गरेका २८ बर्षे इनिएस्टाले टोलीका लागि सबै ६ खेल खेलेका थिए। 

युइएफएको ११ सदस्यीय प्राविधिक टोलीले इनिएस्टालाई प्रतियोगिता उत्कृष्ट खेलाडी चुनेको थियो। उनले छ खेलमा ५ सय ५१ मिनेट मैदानमा विताएका थिए। छनोट समितिले स्पेनका जाभी, जावी अलन्सो र इटालीका आन्दे्रइ पिर्लोलाई उत्कृष्ट खेलाडी सम्भाविता सुचिमा राखेको थियो। 

'इनिएस्टा उत्कृष्ट खेलाडीका हकदार हुन्। उनी प्रभावशाली, बलसहित र बल विनापनि उत्तिकै गतिमा दौडन सक्ने खेलाडी। युरोका दौरान उनले उच्च प्रदर्शन गरे। युइएफएका टेक्निकल डाइरेक्टर एन्डी रोक्सबरेगले भने,' पिर्लोले पनि इटालीका लागि असाध्यै राम्रो खेले। जाभीले पछिल्लो संकरणका विजेता हुन्। अलस्नोले पनि प्रभावकारी प्रदर्शन गरे। यद्दपी इनिएस्टाको विशेष थियो।'
इनिएस्टासहित स्पेनका १० खेलाडी युइएफको प्रतियोगिताको टोलीमा पर्न सफल भएका छन। २३ सदस्यीय टोलीमा इटालीका चार खेलाडी समेटिएका छन्। 
प्रतियोगिता टोली 
गोलकिपर : गुइनलुइगी बुफोन (इटाली), इकर कासिलास (स्पेन) मान्युल नेयुर (जर्मनी)
रक्षक : जेरार्ड पिके (स्पेन), फावियो कोन्ट्राव (पोर्चुगल), फिलिप लाहम (जर्मनी), पेपे (पोर्चुगल), सर्जियो रामोस (स्पेन), जोर्डी अल्बा (स्पेन)
मिडफिल्डर : डानेली डी रोसी (इटाली), स्टेफन जेरार्ड (इङ्ल्यान्ड), जाभी (स्पेन), आन्द्रेय इनिएस्टा (स्पेन), सामी काडिरा (जर्मनी), सर्जियो बुस्केट्स (स्पेन), मेसुट ओजिल (जर्मनी), आन्द्रेइ पिर्लो (इटाली), जावी अलन्सो (स्पेन)
स्ट्राइकर : मारियो बालोटेली (इटाली), सेस फेब्रिगास (स्पेन), क्रि्कस्टियानो रोनाल्डो (पोर्चुगल), ज्लाटान इब्राहिमोविच (स्विडेन), डेभिड सिल्भा (स्पेन)

टोसेरलाई गोल्डेन बुट

कम समयमा ३ गोल गर्ने स्पेनका फरवार्ड फर्नान्डो टोरेसले गोल्डेन बुट जितेका छन्। उनले १ सय ८९ मिनेट खेल्दै ३ गोल गरेका थिए। इटालीविरुद्धको फाइनलमा खेलको अन्त्यतिर मैदान प्रवेश गरेका टोरेसले प्रतियोगिता तेस्रो गोल गरेका थिए। त्यसअघि समूह चरणमा आयरल्यान्डलाई ४-० ले हराउँदा टोरेसले २ गोल गरेका थिए। युरो कप २०१२ मा उनीसहित ६ खेलाडीले ३ गोल गरेका थिए। फाइनलमा एक गोल गरेका टोरेसले हुवा माटाको गोलका लागि पास मिलाइदिएका थिए। ३ गोल गर्ने अन्य खेलाडीमा इटालीका मारियो बालोटेली, एलान जागोएभ (रसिया), मारियो गोमेज (जर्मनी, मारियो म्यानजुकिक (क्रोएसिया) र पोर्चुगलका क्रिस्टियानो रोनाल्डो थिए।

Pradip Lal shrestha

इतिहास रच्दै स्पेन बन्यो युरो च्याम्पियन (फोटोसहित)

इटालीलाई ४-० ले पराजित गर्दै स्पेन युरो च्याम्पियनसिपको उपाधि रक्षा गर्ने पहिलो टिमको कीर्तिमान राखेको छ। लगातार दुई वटा युरो कप र विश्वकप गरी तीन प्रमुख उपाधि जित्‍ने कीर्तिमान पनि स्पेनले नै राख्‍न सफल भएको छ। यसैगरी युरो च्याम्पियनसिपको इतिहासमा उपाधिको लागि सबैभन्दा फराकिलो जितको कीर्तिमान पनि यही खेलबाट स्पेनले राखेको छ। 
स्पेनका लागि उपाधिको बाटो मध्यान्तर अघि भएका दुई गोलले कोरिसकेको थियो।  खेल सुरु भएको १४ मिनेट मै सिल्भाले पहिलो गोल गरेका थिए। मध्यान्तरभन्दा ४ मिनेट अघि जोर्डी आल्बाले थप एक गोल गरी अन्तर फराकिलो पारे। 


मध्यान्तरपछिका दुई गोल अन्तिम १० मिनेटमा भएका थिए। फाब्रिगासलाई स्थानान्तरण गरी ल्याइएका टोरेसले ८४ औँ मिनेटमा गोल गरे भने त्यसको चार मिनेट मै अर्का स्थानापन्न खेलाडी जुआँ माताले अर्को एक गोल गरी जित सुनिश्चित बनाइदिए।


स्पेनको आक्रमणलाई रोक्न इटालीलाई ११ खेलाडी हुँदै गाह्रो परिरहेको थियो, ६४ मिनेटदेखि १० खेलाडीमात्रै हुँदा त असंभवै भयो। मैदानमा पसेको सात मिनेटमै मिडफिल्डर थियागो मोट्टा चोटग्रस्त भई बाहिरिँदा इटालीले आफ्नो सबै सब्स्टिच्युसन प्रयोग गरिसकेको थियो। 


प्रतियोगितामै पहिलो पल्ट स्पेनले बलको अधिकांश 'पोसेसन' विपक्षी टिमलाई दिएको थियो मध्यान्तरअघि। तर पनि स्पेनको ट्रेडमार्क क्विक पास चैँ घातक र सटिक थियो। यसैको बलमा स्पेन मध्यान्तरअघि दुई गोलको अग्रता हासिल गर्न सफल भयो। 


स्पेनको ४-० को यो जित युरो कपको इतिहासमा पहिलो हो। यसअघि तत्कालीन पश्चिम जर्मनीले सन् १९७२ मा सोभियत युनियनलाई ३-०ले पराजित गरेको थियो। 

जितसँगै स्पेनले आफ्ना आलोचकहरुलाई पनि दरिलो जवाफ फर्काएको छ, जो भन्थे युरो र विश्व कप च्याम्पियन बोरिङ खेल खेल्न थाल्यो। तस्बिरहरुः एपी 



Pradip Lal shrestha

जर्मनी र इटालीबीच अन्तिम सेमिफाइनल आज

काठमाडौं, १४ असार : ६ पटकको युरोपियन च्याम्पियन जर्मनीका बास्टीन स्वीस्टीजर युरो कपको अन्तिम सेमिफाइनल खेलका लागि तयार भएका छन् । उनी खुटटाको चोटका कारण उनको सहभागिता अन्यौल रहेको थियो । जर्मनीका प्रशिक्षक जोआचिमले इटाली विरुद्ध मारियो गोभेज, लुकास पोडोल्सकी र थोमस मुलरलाई उत्रानेछन् ।

तर इटालीका प्रशिक्षक गिओरगिआलाई डानियल डी रोसी र इग्नाजिओले चोट बोकेपछि चिन्तामा परेका छन् । इटालीका टीम डाक्टरले उनीहरुलाई तयार पार्ने बढी केन्दि्रत रही उपचार गरिने बताएका छन् ।

स्वीस्टीजरले भने, ‘ म पूर्णरुपमा फिट छु , खेलको बारेमा आफु कसरी प्रस्तुत हुने सोचीरहेको छु । मैले टेनिङमा पनि सहभागी भएको छु ।’

युरो कप २०१२ मा दुवै टोलीले आफना प्रतिद्धन्द्धीलाई दबाबमा राख्दै सेमिफाइनल सम्मको यात्रा तय गरेका छन् । इटालीका एन्ड्रीया पिरलोले जमनी आफनो टीमसँग डराईरहेका छन्, आफु स्पेनकै स्तरमा खेलिरहेका छौ । पिरलो र गोलरक्षक गियानलुइगी जर्मनीका लागि टाउको दुखाई सावित हुनेछन् ।

हेड टु हेड जर्मनी र इटालीबीच ७ पटक भेट भैसकेको छ । यी भिडन्तहरु विश्वकप अथवा युरो कपमै हुने गरेको पाइएको छ । इटालीले सन् १९७० र २००६ को विश्वकपमा जर्मनीलाई हराएका थिए ।युरो कपको भेटमा पनि लिग चरणमा १/१ गोलको बराबरीमा सकेको थियो ।

जर्मनी

युईएफएका अनुसार जर्मनीले पछिल्लो समयमा १५ जीत दर्ता गराई नयाँ रेकर्ड बनाएको छ । जमनी ६ पटकको युरोपियन च्याम्पियन रहिसकेको छ । सन् १९८८ मा पहिलो पटक सेमिफाइनलमा मात्रै प्रवेश गर्न सकेन । समग्रमा युरो कपमा १७ पटक सेमिफाइलनमा आफनो स्थान पक्का गरेका हुन् ।

इटाली

इटाली प्रमुख खेलहरुमा दुई चोटी फाइनलमा प्रवेश गर्न सकेको छैन् । उनीहरु सन् १९८८ मा रुससँग र १९९० मा अजेन्टिनासँग पराजित भए बाहेक अहिले सम्म १० पटक सेमिफाइनलमा गएका थिए । तर दुई युरो कपमा भने सेमिफाइनलमा जान सकिरहेको थिएन ।

Pradip Lal shrestha

इङल्यान्डको पेनाल्टी दुर्भाग्य कायमै, इटाली सेमिफाइनलमा

महत्त्वपूर्ण प्रतियोगिताको महत्त्वपूर्ण खेल टाइब्रेकरमा जाँदा पेनाल्टी मिस गर्ने परम्परा कायम हुँदा इटालीले ४-२ ले पराजित गर्दै इङल्यान्डलाई घर फर्काएको छ। निर्धारित ९० मिनेट र थपिएको ३० मिनेटमा पनि कुनै गोल नभएपछि निर्णय गर्न युरो २०१२ प्रतियोगिता कै पहिलो टाइब्रेकर  भएको हो।  यो सँगै इङल्यान्डले पछिल्ला सात वटा प्रतियोगितामा पेनाल्टी सुट आउटका कारण पराजित हुनु परेको संख्या छ पुगेको छ। पेनाल्टीबाट इङल्यान्डले जितेको एउटै खेल युरो १९९६ को स्पेनविरुद्धको खेल हो। सन् १९९० को विश्वकपको सेमिफाइनलमा पश्चिम जर्मनीले पेनाल्टीमा पराजित गरेपछि इङल्यान्डको पेनाल्टी दुर्भाग्य सुरु भएको हो। युरो १९९६ को सेमिफाइनलमा पनि जर्मनीले पेनाल्टी मै उसलाई हरायो। १९९८ को विश्वकपमा अर्जेन्टिनाले दोस्रो चरणमा पेनाल्टी मै इङल्यान्डलाई पराजित गर्‍यो भने युरो २००४ र २००६ को विश्वकप दुवैमा पोर्चुगलले इङल्यान्डलाई पराजित गरेको पेनाल्टी मै थियो। इङल्यान्डका स्ट्राइकर वायने रुनीले पेनाल्टी दुर्भाग्यबाट बाहिर निस्कन निकै गाह्रो भएको बताए। किभको रङ्गशालामा पेनाल्टी पहिलो मिस गर्ने भने इङल्यान्डका खेलाडी नभएर इटालीका रिकार्डो मोन्टोलिभो थिए। रुनीले गोल गरेर इङल्यान्डलाई २-१ ले अगाडि पारेकै थिए। 

तर इङल्यान्डको सपनालाई खरानी बनाउने काम एस्ले यङ र एस्ले कोलले गरे। त्यसपछि निर्णायक पेनाल्टी हान्ने जिम्मा इटालीका अलेस्सान्द्रो दिमन्टीले पाए। उनले सजिलै गोल गरेपछि इटालीको सेमिफाइनल भिडन्त जर्मनीसँग पक्का भयो।  

एस्ले कोलले चेल्सीको च्याम्पियन्स लिग खेलमा पेनाल्टीलाई सहजै गोलमा परिणत गरेका थिए। एस्ले यङले पनि म्यानचेस्टर युनाइटेड र वाटफर्डका लागि पेनाल्टी गोलमा परिणत गरेका थिए। तर देशका लागि भने उनीहरुले पेनाल्टी गुमाए।

खेल पेनाल्टीमा गुमाए पनि पूरै खेलमा इटालीको दबदबा थियो। इटालीको सट्स अन टार्गेट २० थियो। यो संख्या युरो २०१२ का सबै चार खेलमा इङल्यान्डको भन्दा एकले बढी हो। इटालीले बललाई ६४ प्रतिशत नियन्त्रणमा राखेको थियो।

इङल्यान्डलाई चित्त बुझाउने बाटो भने छ। हडगसन भन्छन्, हामी नर्मल टाइममा अपराजित रह्यौँ। हुन पनि इङल्यान्डले यो प्रतियोगिताको पहिलो खेल फ्रान्सँग बराबरी खेलेको थियो भने स्वीडेन र युक्रेनलाई समूह चरणमा पराजित गरेको थियो।

Pradip Lal shrestha

मलेसियाविरुद्ध १०७ रन अन्तरले नेपाल विजयी

Pradip Lal shrestha

WWE SmackDown 9/16/11 - Full Show [HDTV]

Pradip Lal shrestha

                                           वास्तवीकता
कसैलाई पनि नरकीय जीवन विताउन रहर हुँदैन । कुनै न कुनै परिस्थितिले उसलाई बेश्या बनाईदिन्छ । उसको पनि रहर हुन्छ । उ पनि त नारी नै हो । उसले पनि सिरमा रातो सिंदुर लगाएर घरजम गर्ने सपना देखेकी हुन्छे । के उसको सपना सपना नै होईन र रु फेरी बेश्या त्यसलै हुँदैन हाम्रै समाजका भद्र भनौदाहरु नै बेश्याको निर्माण गर्नछन् । तीनै भद्रहरु नै त्यसलाई उपभोग गर्छन् । यदी उपभोग कुनै पनि पुरुषले नगर्दो हो त विश्वमा कुनै पनि नारी बेचिनु पर्ने थिएन । कुनै पनि नारी कसैको दासी बन्नु पर्ने थिएन । कुनै पनि नारी कसैको हवसको सिकार बन्नु पर्ने थिएन । बेश्या भनेर नारीलाई गाली गरिन्छ तर वास्तवीकतामा समाजका हरेक पुरुषहरु बेश्या हुन् ।

Pradip Lal shrestha